Grænni framtíð fyrir Ísland

Starfsemi okkar byggir á virðingu fyrir náttúrunni og þeim metnaði að leggja okkar af mörkum til grænni framtíðar. Við trúum því að með öflugu samstarfi við viðskiptavini okkar, hvort sem um er að ræða opinbera aðila, skógræktarfélög, fyrirtæki eða einstaklinga, getum við skapað fallega og verðmæta framtíðarskóga.

Fjölbreytni í fyrirrúmi

Við leggjum metnað í breiddina í okkar framleiðslu. Hjá Kvistabæ ræktum við allar helstu tegundir skógarplantna sem notaðar eru á Íslandi, þar á meðal ösp, birki og reynivið, furu og greni, víði og fjölbreyttar gerðir berjarunna svo eitthvað sé nefnt.

Auk skógræktarplantna er Kvistabær stærsti framleiðandi hindberja á Íslandi, þar sem við nýtum sérþekkingu okkar til að færa landsmönnum fersk og bragðmikil ber.

Gæði og nýsköpun

Í okkar ræktun sameinum við reynslu og nútímatækni til að tryggja að hver planta sé sem best úr garði gerð til að dafna í íslenskri mold. 

Markmið okkar er skýrt, að vera leiðandi afl í átt að lifandi jörð og sjálfbærara umhverfi.

Kvistabær - þar sem framtíðin vex